ئامۆژگارییەکانی ریچارد فۆرد
ناوی ریچاردفۆردە و خەڵاتی پۆلیتزێر و پێنی بۆ ڕۆمانی "رۆژی سەربەخۆیی" وەرگرتووە. تا ئێستا نەمردووە، نووسەرێکی ئامریکاییە و چەندین ڕۆمان و کورتەچیرۆکی بڵاو کردۆتەوە. وەک زۆر نووسەری کە پێی وایە دەبێ وا بێ:
- ژیانی هاوبەشی لە گەڵ کەسیک پێک بێنن کە پێی وابێ نووسەر بوونیش خراپ نییە.
- منداڵتان نەبێ.
- ئەو رەخنانەی وا لە سەرتان دەنووسرێ مەخوێننەوە(ئەگەر هاتوو ڕۆژێك لە رۆژان نووسەرێکی کوردیش زاتی کرد و ئامۆژگاری بۆ نووسین دەبێ بڵێ مەردی خودا بن کەم داوا لە رەخنەگر بکەن لە سەرتان بنووسێ).
- رەخنە مەنووسن. داوەری ئێوە بێ لایەن نابێ.
- توڵحی بەیانی و ئاخروئۆخری شەو لە گەڵ خێزانتان شەڕەچەلەحانە مەکەن.
- کاتێ خەریکی نووسینن مەخۆنەوە و بە پێچەوانە.
- هەراس بە ئیدیتۆرەکانتان هەڵمەگرن(کەس گوو بە کڵاوتان ناپێوێ).
- زەمی هاوکارەکانتان مەکەن.(دەبێ شتی وا!؟).
- بۆ دیتران هیوای سەرکەوتن بخوازن بەڵکوو سوودێکی بۆ خۆشتان هەبێ.
- ئەگەر دەتوانن مەهێڵن کەس دڵساردتان کاتەوە.
تێبینی: زۆر نابی گوێ بەو ئامۆژگارییانە بدرێ، لە بەر ئەوەی ناکرێ گوێ بە هەموو ئامۆژگارییەک بدرێ!
+ ۱۳۹۲/۱۱/۲۹ ئالان عەرەب
|
